بكل فخر اقول انا مصرى ..........

بصراحه مكنتش عايزة اتكلم فى الموضوع ده بس ضميرى هو اللى خلانى اتكلم وجايز الموضوع ده ناس كتير اتكلمت فيه وكلنا عارفينه طبعا موضوع ماتش مصر والجزائر

الضرب والسب والسكاكين والتحرش كلام كتير قيل ولسه بيقال لكن محدش قال ايه السبب محدش قال على حل ولو فضلنا نبعت فى رسايل من دلوقت لحد ما كأس العالم يخلص اساسا الفيفا زى ما هتعاقب الجزائر هتعاقب مصر وجايز احنا عقابنا اشد عايزين نتكلم كلام العقل مين اللى بدأ الحرب دى مش اعلامنا المبجل مين اللى ابتدى بالتجريح وشوفوا الجزائر بتعمل ايه وشوفوا بيقولوا ايه مش برده اعلامنا الرياضى الرائع خلقنا عداوة من قبل ما المباره تبتدى كان لازم يكون ده رد الفعل هناك فى الجزائر مش تحامل منى ولا انا مع اللى حصل بس لازم بجد نفكر بالعقل الجزائر خليت تذاكر السفر للخرطوم مجانيه علشان كل الجمهور يروح احنا اخر رقم سمعته ان التذكرة كانت ب 3000ج كل واحد من جمهورنا مرتبه فى كام 3000ج علشان يستغنى عنهم ويروح يتفرج على الماتش فاطبعا ارسلنا بعثه مشرفه من الممثلين والممثلات اللى مثلوا كل واحد فى شعب مصر
البرامج الرياضيه اصبحت برامج استغاثه تناشد البنات بعدم السفر الى الخرطوم علشان ميتعرضوش للاذى ولكن بناتنا بكل جبروت سافروا علشان يشجعوا المنتخب بالله عليك واحده رايحه الماتش ورا ( نهال عنبر _ ميسره _ هاله صدقى ..... )وغيرهم تبقى هى ايه اكيد زيهم ( ان كان رب البيت للدف ضاربا فاشيمة اهل البيت ..... ) لازم نعترف ان ده كان غلط
لما تكون كل المعلومات اللى بتوصل للمجتمع الخارجى عنا اننا بلطجيه وان شبابنا على طول تايه ؛ شارب ؛ فاشل ؛ مخمور ؛ يتحرش بالبنات ؛يضرب امه وابوه ؛مش لاقين شغل
وبناتنا مش فلحين غير فى العرى الايماله والاستماله حتى المحجبه كاسيه عاريه وافلمنا تصور بناتنا كلهم متجوزين عرفى

كان لازم يحصل معانا كده علشان نفوق ( ان الله لا يغير ما بقوم حتى يغيروا ما بأنفسهم )
اسألوا اى واحد متغرب برة بلده حتى لو فى وظيفه محترمه لكن المعمله ازاى لانك مصرى صغرنا من نفسنا قوى مع ان احنا احسن من غيرنا فى كل حاجه اعلى نسبة ذكاء بين الاطفال للطفل المصرى اكبر نسبة علماء ومفكرين واطباء كانوا مصريين لكن امامهم اكبر نسبة اسفاف فنى اكبر نسبة وقاحه فى كلمات الاغانى اكبر نسبة سب علنى فى الافلام اكبر نسبة عرى عندنا احنا لازم نفوق ونفكر بعقل ربنا مقدرش كده غير لسبب يعلمه هو جايز علشان نتغير جايز علشان ننجح بجد

كنا لما بنتريق على حد نقوله انت عايش من ايام الطربيش صح لكن لو كلنا بصينا للسينما ايام الطربيش عمرك ما شفت المصرى غير الرجل ذو القيم والاخلاق التدين اللى دلوقتى بيصوروه تطرف وهمجيه
كانت المرأه عمرك ما تشفها بتشرب مخدرات ولا بتتعرى ولا .. ولا ... ولا
كان الكل بيحترم المصرى لان الوجه اللى ظاهره للخارج بتقول انه محترم طبعا عن طريق افلام السينما لكن ما اروعنا الان واحنا قدوة شبابنا ( ابراهيم الابيض ) ولا حياتنا مبنيه على ( خيانه مشروعه ) او تعاملتنا مع بعض ( حين ميسرة ) او مجتمعنا مجتمع ( كباريه ) وبحمد ربى انى معرفتش محتوى الافلام دى ايه بس الجواب باين من عنوانه
لو فكرنا كلنا بالعقل هنلاقى ان لازم كلنا نفتخر فى الاول اننا مصريين نحترم كنا مصريين نحس بجد اننا مصريين علشان نجبر غيرنا على احترمنا غصب عن عينه مهما كان مين مش اى حد يلطش فينا ويسب فينا واحنا نهلل نزعق نقول كنا هنعمل وكنا هنقطعهم وكنا هنموتهم وفى الاخر هسسسسسسسسسسسسسسسسسسسسسسسس
كأن محصلش حاجه كل واحد يبدأ بنفسه ويوم ما يتتغير كل المجتمع هيتغير هنحترم نفسنا المجتمع حوالينا هيحترمنا المجتمع الخارجى يحترمنا وبرده فى اخر كلامى اشدد واقول قوله تعالى ( ان الله لا يغير ما بقوم حتى يغيروا ما بأنفسهم )

تحياتى

بجد موضوع يستاهل المناقشه دارك
ونسيتى كمان تقولى ان المصريين فى الخارج بيحاربوا بعض
كل واحد عايز يصعد على حساب الاخر عند رب العمل
فهذا قلل من احترام الاجانب لنا
شكرا لك دارك على طرح هذه المشكلة وهدانا الله لما فيه الخير

اشكرك سيدى وفعلا معاك كل الحق لو كل واحد فى الغبره خاف على اخوه هتكون قيمتنا كبيرة قوى
اشكر مرورك الكريم والمناقشه الرائعه

والله مانا عارف اقولك ايه يا انجل على مواضيعك الروعه

لان بصراحه الموضوع ده انا كنت ناوى اعمل حاجه قريبه منه

لانى تعبت من الكلام فيه ومن كتر الجدال مع جميع الجنسيات حواليا

وتعبت اكتر من غدر اعز اصحابى ليا لما نزلت اجازة فى مصر

ورجعت لقيتهم بيضربونى فى ضهرى وكنت هبقى فى خبر كان

لولا ستر المولى سبحانه وتعالى .. ثم مجهودى فى شغلى ده قبل مسافر

وطبعا الجمال عارف الحوار كله

المهم .. اننا للاسف وحشين اوى فى حق بعض

حتى جوه مصر .. بقى فى استغلال مش طبيعى

انا نزلت مصر اجازة شهرين ونص .. استغليت من جميع فئات الشعب

مش عارف ده بيحصلى لوحدى ولا ده خلاص بقى طبع فى الناس

ده غير اننا برده دايما بنختلف فى كل شئ

تلاقى ناس كده سبحان الخلاق .. تمللى تشاكس وتحارب فى خلق الله وخلاص

تقوله يمين .. يرد فورى على طوول لالالاء شمال ياعم الحاج

هو كده وخلاص .. غباوه

عندنا حب الجدال والعند مش طبيعى

وده اللى بيربى بين النفوس وبعضها شغل نفسنه وحاجات من دى

معلش نيجى بقى لموضوعنا الاساسى

اللى هو صورتنا اللى بقت منيله قدام العالم كله

متتخيلوش صورتنا دلوقتى بقت ازاى بره !!

وللاسف بتوصل لدرجه ان ناس تقولك ( يا مصرى )

كانه بيشتمك !!

وقسما بالله بتعب من كتر الجدال مع كل اللى بتكلم معاهم

بس والحمد لله بقنعهم .. لانى بتعصب اوووى من اى كلام او تجريح

لان اللى بيكلمك .. بيكلمك كانك مصر كلها فيك كشخصك

ولازم تكون اد الكلمة دى

نيجى بقى للحل الوحيد اللى كلنا شايفينه ومغمين عنينا عنه

التغيير والاتفاق

لازم نغير اللى جوانا كلنا ونكون ايد واحده ونتفق ولو مرة واحده على رأى

ولازم نغير نفسنا عشان نقدر نغير اى شئ حوالينا سواء كان حكومة فاسده او غيره

ساحمونى طولت عليكم .. ولو انى جوايا كتيييير اوى واتكلمت كده باختصار شديد

تقبلوا منى كل الود والاحترام

تسلمي ياااااااااااااااااارب يا دارك

فعلا موضوع يستحق الرد والمشاركه فيه لما هوا له معني واضح وصريح

جزاكي الله كـــل خيـــــــــــر

خليك متفائل تيتو زى ما فى ناس وحشه فى ناس كويسه جدا
بس قليل الاصل كتير انا معاكم
وربنا يكفينا شرهم
الشكر للجميع على المشاركه ويارب الباقى يشارك برايه

انا معاك تيتو ده فعلا بيحصل المصرى بيحارب اخوه فى رزقه ويبوح بأسرار صحبه لصاحب العمل علشان يعلا عليه ويكون احسن والاصعب كمان انك تلاقى المصرى فى الغربه بيسب بلده واكيد شفت النماذج دى ودى اكتر حاجه تخلينا احنا المصريين ملناش قيمه عند العربى وفعلا كلمتك صح العرب لما بيكلموا اى واحد مصرى مفيش غير كلمت يا مصرى كأنه بيتريق صعب قوى الاحساس ده
مشكور تيتو للمناقشه ومرورك بموضوعى

مشكور كابتن لمرورك الكريم

احنا كلنا لازم نكون متفائلين استاذ جمال علشان لازم نعلا فعلا بأسم بالدنا مش بس شعارات وكلام لازم من جوانا نتغير والتغير لازم معاه تفائل والدنيا اكيد فيها الحلو والوحش وربنا يقدرنا فعلا على التغير للاحسن

التوبيك أكثر من رااائع كالمعتاد و حقيقي أفضـل موضوع قريته بالنسبة لما حدث بين مصر و الجزائر
لكن اسمحوا لي أقول رأيي معاكم
أنتوا اتكلمتوا علي شكل و هيئة الإنسان والمصري و مواقفه في الغربة
طب ما تيجوا نشوف اللي في الداخل الأول بينا و بين نفسينا
يعني زي ما تيتو قالوا أول ما نزل مصر أحس إنه استغل من الناس كلها
و أحب أقولك إن دي حاجة دلوقتي بسيطة من اللي بيحصل
دلوقتي كل الأخلاق السيئة ظهرت و انتشرت في مجتمعنا أسلوب المصالح و الاستغلال ده حتي دي ظاهرة أنا شفتها في الاطفال نفسهم
إحنا هنا الجيران من بيت واحد لا يفصل بينا سوي حائط و تكون قمة التشاكل فبالله عليكم كيف نصلح صورتنا في الخارج و هذا هو ما نفعله في الداخل
و للأسف أسهل كلمة سيئة تتقال إنه مصـــري
لا إله إلا الله اللهم أعز الإسلام و المسلمين لا حول و لا قوة إلا بالله
أسفة علي الغطـالة لكن و الله أنا حاسة إني عايزة أقول أكتر من كده و الله و مش عارفة أعبر كماااان

مشكورة لمرور الجميل يا احلى احلام

وانا معاكى جدا كلامك صح ومش بس الجيران هما اللى بيستغلوا بعض وبيشاكله بعض ده الاخ واخوه الصديق وصديقه والناس دلوقت يا احلام لما بيعرفوا ان ده فى الغربه معنى كده انه جالس على جبل فلوس فالازم الاستغلال اذا كان احنا هنا ولو واحد مرتاح فى شغله يبقى معاه مال الدنيا يبقى اللى بره عامل ايه تفكير الناس للاسف بقى ممل متبصيش لنفسك ولا لينا فى غيرنا وللاسف كتير لما بيسمعوا كلمت اتقى الله يبقى بتسبيه وده اخطر عيوبنا استغلال بعض وده اللى بيرجعنا ورا للاسف

موضوع رائع

انجل

طبعا الكل تكلم عنه كلام لا أستطيع

التعقيب عليه

بالنسبة للافلام المذكورة فقط قال صناعها أنهم يقدمون

قضية هامة فى البلد لكنهم كالعادة ساعدوا فى انتشار هذه الجرائم أكثر و أكثر

المشكلة كما قال وائل الابراشى فى حوار معه فى برنامج 90 دقيقة وهو موجود على النت

أن الاعلام المصرى سبب معظم المشاكل فهو ينجح فى طرح القضية فى الداخل وتسخين مشاعر

الشعب المصرى

أما الاعلام الخارجى فلا يعرف عن أى قضية حقيقة تحدث فى مصر شئ

فالسادة العضماء من الاعلام

نجحوا فى تشوية سمعه مصر

******************

أما بالنسبة للمصريين فى الخارج (إلا من رحم ربى )

فشكرا لكم

***

فى البدايه شرفنى مرورك بموضوعى بونى

ثانيا للامانه انا الافلام اللى ذكرتها مشفتهاش بس قيل لى مضمونها فا قولى ايه القيمه المستفاده من قصة شاب بلطجى ورد سجون مثل ابراهيم الابيض او ايه الفايده من قصة شاب قتل اخوه علشان الورث بمساعدة عشيقته فى خيانه مشروعه او هل مشاكل مجتمعنا كلها خلصت علشان نهتم بمشاكل العاملين فى الملاهى الليليه ايه وجه القيمه والفايده ماهم فضلوا السنين اللى فاتت كلها بيعملوا افلام عن الجواز العرفى وفكروا بكده انهم حلوا المشكله والمصيبه انهم عرفوا الشباب على طرق جديده يخفوا بيها عن اهلهم انهم متجوزين عرفى
اما عن الاعلام فا الله المستعان

بصي دارك انجل انا مقدرش ان الاعلام بس اللي شوة صورة مصر قدام العالم
ومقدرش اقول انه فعلا الحاجات دي مبتحصلش لانها بتحصل وبتحصل كتير
بس المشاكل دي بتحصل في العالم كله بوجهة عام وفي العالم العربي بوجهة خاص وبتظهر في مصر بسبب الاضواء اللي عليها
كمان ليه مبنركزش على الاحلى اللي بيحصل يعني مش كل الناس وحشة والا مكناش لقينا صديق وخليل نكمل معاه مشوارنا
ولا كل الجيران وحشة والا كنا احنا اوحش الوحشيين
بس احنا لازم نعرف الناس بمميزاتنا قبل عيوبنا ومننساش ان برضه مصر خرجت شيوخ بجد الله يبارك لهم

بجد مبسوطه قوى انك رديتى فى الموضع ده يا بوسى وانا معاكى جدا رأيك صح فعلا بس زى ما بتقولى علشان احنا العين علينا فا لازم نبين الحلو فينا وكل مميزاتنا مش نبين اسوء ما فينا بس وعيوبنا هى اللى تظهر للعالم احنا بلدنا زى ما بيقوله ام الدنيا والام قدوه دايما مينفعش يظهر لها عيوب والا قيمتها هتروح

بجد شرفنى مرورك بوضوعى

» فليم WALL.E مدبلج مصرى .
» هاكرز مصرى يخترق موقع الشروق الجزائرية

بكل فخر اقول انا مصرى ..........

Cairo